Լիլիթ Մակունցը՝ Արտակ Մանուկյանի և Նիկոլայ Բաղդասարյանի նույնաբովանդակ գրառումների մասին

Ինչպես արդեն հայտնել ենք, իմքայլական պատգամավորներ Արտակ Մանուկյանը և Նիկոլայ Բաղադասարյանը հայտարարել են, որ չեն ընդգրկվելու նախընտրական ցուցակներում։ «Իմ քայլը» խմբակցության ղեկավար Լիլիթ Մակունցը լրագրողների հետ զրույցում անդրադառնալով հարցին, թե ինչով է պայմանավորված վերջինների նման որոշումը, ասաց․ «Նիկոլայ Բաղդասարյանը և Արտակ Մանուկյանն իրենց որոշմամբ չեն ընդգրկվել ցուցակում, հարգում եմ իրենց որոշումը, իրենք մեր շատ լավ, արժեքավոր գործընկերներն են»։

Պատգամավորների՝ նախընտրական ցուցակում չընդգրկվելու վերաբերյալ գրառումների նույնաբովանդակ լինելու մասին լրագրողների դիտարկմանը Մակունցը ժպիտով արձագանքեց։

«Գուցե իրանք իրար հետ խորհրդակցել են, համենայնդեպս, ես չեմ կարող տեքստերի բովանդակության հետ կապված բան ասել»,- պատասխանեց նա։