«Ես խնդրում եմ, որ ատելության խոսք չտարածեք»․ Մակունցը՝ Զոհրաբյանին

307

Հինգշաբթի, 27 մայիսի, 2021 թ., 10:50

Այսօր՝ ԱԺ նիստի մեկնարկին, պատգամավոր Նաիրա Զոհրաբյանն անդրադառնալով վեց զինծառայողների գերեվարմանը, ասաց․ «Գեղարքունիքի մարզի սահմանային հատվածում ԶՈՒ N զորամասի պահպանության տարածքում ադրբեջանցիները մտել և, գետնին պառկեցնելով 6 զինվորների, առևանգել են․․․ Սա այլևս աղետ է։ ՊՆ ամենօրյա ռեժիմով հայտարարությունները, թե՝ կոչ ենք անում ադրբեջանական ԶՈՒ-ին գնալ, այլապես․․․ մեկ բանի վկայություն է՝ այս իշխանությունը եկավ դագաղներով, հանձնեց Արցախը, հիմա իշխանության ներկան մեր տարածքային վտանգն է, և հետո ասում եք՝ կա ապագա․․․ Ես սարսափում եմ մտածել ձեզ հետ ապագայի մասին»։

«Իմ քայլը» խմբակցության ղեկավար Լիլիթ Մակունցը, արձագանքելով Նաիրա Զոհրաբյանին, ասաց․ «Ես խնդրում եմ, որ ատելության խոսք չտարածեք, հատկապես ՀՀ ԱԺ-ից․ դա հարիր չէ ձեր կարգավիճակին՝ թե՛ որպես պատգամավոր և թե՛ որպես այն հանձնաժողովի նախկին նախագահ, որ հանդիսանում էիք դուք և որի անդամ եք»։