Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

ԼՂ հակամարտության կարգավորում, տարածաշրջանային զարգացումներ, Արցախ- Սփյուռք կապեր. ԱՀ ԱԳ նախարարն այցելել է Մոսկվա

ԼՂ հակամարտության կարգավորում, տարածաշրջանային զարգացումներ, Արցախ- Սփյուռք կապեր. ԱՀ ԱԳ նախարարն այցելել է Մոսկվա
276
Ուրբաթ, 28 մայիսի, 2021 թ., 21:35

Արցախի Հանրապետության արտաքին գործերի նախարար Դավիթ Բաբայանը մայիսի 23-28-ն աշխատանքային այցով գտվում էր Ռուսաստանի Դաշնության մայրաքաղաք Մոսկվայում։ Այս մասին տեղեկացնում է Արցախի Հանրապետության արտգործնախարարության տեղեկատվության և հասարակայնության հետ կապերի վարչությունը։

Նշվում է, որ այցի ընթացքում Արցախի արտաքին գերատեսչության ղեկավարը հանդիպումներ է ունեցել ՌԴ քաղաքական, հասարակական, գիտակրթական շրջանակների, Ռուսաստանի հայ համայնքի և Հայ Առաքելական եկեղեցու ներկայացուցիչների հետ։
Քննարկվել են տարածաշրջանում ստեղծված իրավիճակին, հնարավոր զարգացումներին, ադրբեջանա-ղարաբաղյան հակամարտության կարգավորման հեռանկարներին, Արցախ-Սփյուռք կապերի հետագա խորացմանն առնչվող հարցեր։