«Մենք համապատասխան պատասխան ենք տալիս, և այդ պատասխանը շարունակելու ենք տալ»․ Ալեն Սիմոնյան

«Յոթ ամիս է անցել պատերազմից, բայց երբ լարված իրավիճակ է, մենք համապատասխան պատասխան ենք տալիս և մենք այդ պատասխանը շարունակելու ենք տալ»,- Հանրային հեռուստաընկերության եթերում ասել է ԱԺ փոխխոսնակի պաշտոնակատար Ալեն Սիմոնյանը՝ անդրադառնալով երկրում առկա ներքաղաքական իրավիճակին:

«Ընդդիմության ներկայացուցիչները, որոնք ընդամենը 15-20 օր առաջ գոռում էին ազգ-բանակ-հաղթանակ, այսօր բանակին յուրաքանչյուր իրավիճակում իրենց քաղաքական նպատակահարմարություններից ելնելով հարվածում են: Օնիկ Գասպարյանո՞վ էր պայմանավորված ազգ-բանակը»,-ասել է Սիմոնյանը:

Նա նշել է, որ առնվազն այս փուլում մենք ներքին թշնամիներ չպետք է փնտրենք, դա պետականության կարևորագույն հարցն է:

«Կան աշխարհաքաղաքական շահեր, թեպետ չկա այդպիսի բան, բայց կարևոր չեն անձնական հարաբերությունները, անկախ նրանից, թե 2020 թվականին Հայաստանի Հանրապետության ղեկավարը կլիներ Լևոն Տեր-Պետրոսյանը, Ռոբերտ Քոչարյանը, Սերժ Սարգսյանը, թե Նիկոլ Փաշինյանը այս իրավիճակը լինելու էր, ուղղակի այստեղ իրավիճակի տարբերությունը այն է, որ ի տարբերություն մնացածի՝ Նիկոլ Փաշինյանը ընտրված է և ներկայացնում է իր ժողովրդին»,- ասել է նա:

Մանրամասները՝ տեսանյութում։