«Նույն ցուցակում հայտնվել են հետապնդողն ու հետապնդվողները». Արմեն Դանիելյան

ՀՀ գլխավոր դատախազի նախկին տեղակալ Արմեն Դանիելյանը ֆեյսբուքյան իր էջում գրել է. «Դեռ ոչ ամբողջական (հրապարակված չէ) նայեցի նախընտրական մի քանի ցուցակներ... Եվ... և հասկացա, որ ժողովրդի «ձեռքից» իշխանությունը ժամանակին «յուրացրել են» գավառական մտածողություն և գրոշի արժեք չունեցող մի քանի բեջուռա կենդանիներ:
Հ.Գ. Ծիծաղելի է ու նաև լացելի. նույն ցուցակում հայտնվել են հետապնդողն ու հետապնդվողները, քրեական գործ հարուցողն ու մեղադրյալները:
Միթե նման բան հնարավոր է: Պարզվում է՝ ոչ միայն հնարավոր է, այլև իրականություն է. նրանց մեջ մշտապես եղել է «թունդ ախպերություն», ու սարսափելին այն է՝ (կապ չունի ով է Հայաստանի վարչապետը). նրանք, միևնույն է, ամեն գնով փորձելու են ժողովրդից «խլել» իշխանությունը...
Հ.Գ. Այս ընտրություններին հայտ ներկայացրած մի շարք քաղաքական կուսակցությունների գործունեությունը պետք է դադարեցված լիներ՝ հակապետական լինելու պարզագույն հիմնավորմամբ, մինչդեռ նրանք շարունակելով իրենց «հին ու բարի ավանդույթները»՝ կրկին գործի են անցել բացելով իրենց քսակները, ու նորից հետևողական «տարերքի մեջ են հայտնվել» թաղային հեղինակություններն ու նրանց սպասարկող նազիր֊վեզիրները...
Հ.Գ. Իսկ Եռաբլուրում լուռ ննջում են իսկական հերոսները... նրանց փոխարեն հարցնում եմ՝ էս ինչ եք անում, տղերք... միթե մեզ զոհաբերեցիք, որ բզկտեք մեր Հայրենիքը...»: