«Պետք է շռնդալից ձևով մուտք գործենք Ազգային ժողով». Սեֆիլյանը՝ Մեղրիում

Ինչպես արդեն հայտնել ենք, «Ազգային ժողովրդավարական բևեռ»-ը այժմ գտնվում է Մեղրիում:

ԱԺԲ խորհրդի անդամ Ժիրայր Սեֆիլյանը լրագրողի հարցին՝ խուճապ նկատում եք սյունեցիների շրջանում, պատասխանեց. «Չկա, բարեբախտաբար, և կարծում եմ, որ առաջիկայում չի էլ լինի: Մենք գործնական քայլեր ենք մտածել, որի փակագծերը դեռ չեմ բացի: Մեղրին պիտի ամրանա, այստեղ բնակվելը ձեռնտու պիտի լինի: Մինչև իշխանության ղեկը հայտնվի մեր ձեռքում, արդեն ավելի լուրջ քայլերի կանցնենք:

Մենք միշտ ասել ենք, որ այս վիճակում ընտրություններ անցկացնելը հիմարություն է, սակայն եթե զորբայությամբ որոշել են անցկացնել, ապա մենք այդ մարտահրավերը կընդունենք: Պետք է շռնդալից ձևով մուտք գործենք Ազգային ժողով: Մեր ծրագրերն արդեն կիրականացնենք՝ օգտագործելով ԱԺ ամբիոնը»: