«Տեր-Պետրոսյանը Քոչարյանի ու Փաշինյանի համար ամենամեծ վտանգն է». Լևոն Զուրաբյան

«Հայ ազգային կոնգրես» կուսակցության փոխնախագահ Լևոն Զուրաբյանը կարծում է, որ Տեր-Պետրոսյանի ղեկավարած թիմը ճգնաժամային իրավիճակների կառավարման լուրջ փորձ ունի, ուստի կարող է ներկայիս ծանր վիճակում էլ երկրի կառավարման պատասխանատվությունը ստանձնել:

«Սիվիլնեթ»-ի եթերում Զուրաբյանը կոչ է արել քաղաքական ուժերին լրջանալ և պատրանքներ չվաճառել ժողովրդին՝ ձգտելով ուղղակի սպասարկել ընկճված վիճակում հայտնված մարդկանց ցանկությունները: Նա «շառլատան» է անվանել այս պահին պատրաստի լուծումներ առաջարկող մարդկանց:
«Նիկոլն ու Քոչարյանը շատ են օգտվում իրարից. Նիկոլի համար շատ հաճելի է որպես ընդդիմություն՝ ունենալ Քոչարյանին, իսկ Ռոբերտ Քոչարյանին շատ հաճելի է որպես թիրախ՝ ունենալ Նիկոլ Փաշինյանի նման անմեղսունակ, ձախողված մի ղեկավարի, որը պետական կառավարումից ոչ մի բան չի հասկանում...: Էս պատկերի մեջ երկուսի համար էլ ամենամեծ վտանգը Լևոն Տեր-Պետրոսյանն է, որովհետև Տեր-Պետրոսյանին իրենք ասելու բան չունեն»,- ընդգծել է Զուրաբյանը:

Մանրամասները՝ տեսանյութում: