«Ալիևի առաջ չոքած մարդիկ հիմա տղամարդկությունից են խոսում». Ռոբերտ Քոչարյան

«Ինձ համար անհասկանալի ու անընդունելի է այն վիճակը, որն այսօր ունենք: Նույնիսկ ամիս 9-ին ստորագրած կապիտուլյացիայից հետո հնարավորություն կար այս վիճակին չհասցնելու: Ճանապարհները, որ անցել են Ադրբեջանի վերահսկողության տակ, հնարավոր էր չէ՞ ասել՝ երկու տարում կկառուցենք այլ ճանապարհ, նոր դուրս կգանք, բայց չեն արել»,- հայտարարել է ՀՀ երկրորդ նախագահ Ռոբերտ Քոչարյանը: Խոսելով Սև լճի տարածքում ստեղծված իրավիճակի մասին՝ Քոչարյանն ասել է. «ՀՀ իշխասնությունը իսկապես չոքած է, վախենում է որևէ գործողության դիմել կամ որևէ բան ասել: Ինքն այնպիսի լծակներ է տվել Ադրբեջանին, որ երբ ուզեն, ոնց ուզեն ապտակելու են»: Նրա խոսքով՝ Ալիևի առաջ չոքած մարդիկ հիմա տղամարդկությունից են խոսում. «Տղամարդ բառի հետ դուք առնչություն չունեք, հանգիստ թողեք էդ բառը»: