«Նրա մի քանի հայտարարություններն ուղարկել եմ ԵԽԽՀ Հայաստանի հարցով համազեկուցողներին». Զոհրաբյան

«Իմ վստահ համոզմամբ, ինքը չարաշահում է վարչական ռեսուրսը, և ես, որպես պատգամավոր, այսօր առավոտյան գրավոր դիմել եմ ԿԸՀ նախագահին: Երկրորդ՝ նրա մի քանի հայտարարությունները՝ «ջարդելու ենք ռոբասերժական ոհմակի ատամնաշարը» և այլն, սրանք հստակ ատելության խոսք են, ինչն արձանագրեց նաև ՄԻՊ-ը: Բնականաբար, այս ամենը, հստակ ձայնագրությամբ և կից թարգմանությամբ, իր այդ հայտարարության հաջորդ օրն ուղարկել եմ Եվրոպայի խորհրդի խորհրդարանական վեհաժողովի մոնիթորինգի հանձնաժողովի Հայաստանի հարցով համազեկուցողներին»,-այսօր տեղի ունեցած մամուլի ասուլիսի ժամանակ, անդրադառնալով ՀՀ վարչապետի պաշտոնակատար Նիկոլ Փաշինյանի կողմից արված հայտարարություններին, ասաց ԱԺ պատգամավոր, «Ընտրությունների վերահսկման կոմիտե»-ի անդամ Նաիրա Զոհրաբյանը: