Ձերբակալվածների վերադարձ, ականապատման քարտեզների փոխանակում և այլն. ԵՄ կոչը Ադրբեջանին ու Հայաստանին
1671 Չորեքշաբթի, 02 հունիսի, 2021 թ., 22:40 Հունիսի 2–ին Ադրբեջանի նախագահ Իլհամ Ալիևի հետ ունեցած հեռախոսազրույցի և ՀՀ վարչապետի պաշտոնակատար Նիկոլ Փաշինյանի հետ հանդիպման ժամանակ Եվրոպական խորհրդի նախագահ Շառլ Միշելը կարևորել է Հարավային Կովկասի կայունությունն ու զարգացումը, ինչպես նաև Հայաստանի և Ադրբեջանի միջև հարաբերությունների կարգավորումը։ Համապատասխան հաղորդագրություն է տարածել ԵՄ–ը։ Միշելը շեշտել է, որ Ադրբեջանի և Հայաստանի կողմից 2020 թվականի նոյեմբերի 9-ի հրադադարի մասին հայտարարությունն ամբողջությամբ կյանքի կոչելը կարևոր նշանակություն ունի տարածաշրջանային անվտանգության և կայունության համար, և ԵՄ-ն պատրաստ է սահմանազատման և սահմանագծման ոլորտում փորձագիտական գնահատականներ տրամադրել, ինչպես նաև աջակցել վստահության ամրապնդման հարցում։ Եվրոմիությունը նաև կոչ է անում երկու կողմերին հրատապ կերպով համագործակցել ձերբակալվածներին վերադարձնելու, ականապատ տարածքների մասին ինֆորմացիայի տրամադրման հարցում։ Նշվում է նաև, որ ԵՄ-ն կողմերին շուրջ 20 մլն եվրո է տրամադրում որպես մարդասիրական օգնություն, և շարունակելու է այս հարցում իր աջակցությունը։ Սակայն վերոհիշյալ հրատապ խնդիրների լուծումը միայն առաջին քայլն է խաղաղ կարգավորման ճանապարհին։ ԵՄ նախագահությունը կոչ է արել երկու կողմերին վերսկսել կառուցողական բանակցությունները։ Հաղորդագրության մեջ ասվում է նաև, որ ԵՄ-ն խորապես շահագրգռված է Հարավային Կովկասի անվտանգությամբ, կայունությամբ և զարգացմամբ՝ որպես ԵՄ Արևելյան գործընկերության անբաժանելի մաս: |
Առաջին անգամ Հայաստանի և Ադրբեջանի միջև, չորս գյուղերի հատվածում, գոյություն կունենա սահմանազատված պետական սահման. վարչապետի աշխատակազմ
10217:30Հայաստանի և Ադրբեջանի միջև սահմանազատման հարցերով հանձնաժողովները ստորագրել են արձանագրություն
10017:24Արցախի Ազգային ժողովը հանդես է եկել հայտարարությամբ
16617:18Ադրբեջանական լրատվամիջոցներում հրապարակված թուղթը կեղծ է. ԱԳՆ
187Երեկ, 18:48ԵՄ-ն մեկնաբանել է ԼՂ-ից ռուս խաղաղապահների դուրսբերման գործընթացը
222Երեկ, 18:24Սամվել Վարդանյանը ճանաչվել է տուժող. ՔԿ
301Երեկ, 13:36ՔԿ-ն մանրամասներ է ներկայացրել Սամվել Վարդանյանի գործից
181Երեկ, 11:24Կլաարը կդառնա Ուզբեկստանում ԵՄ դեսպանը
63817.04.2024, 23:36