«Ձեզ որ «իդիոտկա» անվանեին, ինչպե՞ս կարձագանքեիք»․ լրագրողը՝ Նազարյանին

Ինչպես արդեն հայտնել ենք, այսօր՝ արտահերթ նիստի ժամանակ, միջադեպ տեղի ունեցավ ԱԺ փոխխոսնակ Լենա Նազարյանի և անկախ պատգամավոր Թագուհի Թովմասյանի միջև։ Լենա Նազարյանը հայտարարեց, որ չի պատրաստվում ներողություն խնդրել Թագուհի Թովմասյանից՝ վերջինին «իդիոտկա» անվանելու համար, ինչից հետո լրագրողը, դիմելով Նազարյանին, ասաց․ «Ձեզ որ «իդիոտկա» անվանեին, ինչպե՞ս կարձագանքեիք, նորմա՞լ է դա»։ Նազարյանը հապճեպ հեռացավ՝ անպատասխան թողնելով հարցը։