«Ինչո՞ւ եք զարմանում ընտրակաշառքի հնարավոր թվերի մեծության և ընտրակաշառքի լեգալացման խորամանկ սխեմաների մասին խոսակցություններից». Լևոն Բարսեղյան

«Ասպարեզ» ակումբի խորհրդի նախագահ Լևոն Բարսեղյանը ֆեյսբուքյան իր էջում գրել է. «Ինչո՞ւ եք զարմանում ընտրակաշառքի հնարավոր թվերի մեծության և ընտրակաշառքի լեգալացման խորամանկ սխեմաների մասին խոսակցություններից: Դուք կերե՞լ եք երկրի տնտեսական և հումքային հարստությունների կեսը, միլիարդատեր դառե՞լ եք պետական ռոճիկով, դուք սահմանից բանակ բերե՞լ եք ցուցարաների վրա, դատել տվե՞լ եք ընդդիմախոսներին, դուք ցմահ ազատազրկման ու ունեզրկման սարսափներով մտնո՞ւմ եք անկողին ու չեք քնում ամբողջ գիշեր: Այ, երբ կանեք նման բաներ, ինքներդ կհարցնեք ձեզ, թե որքան գումար եք պատրաստ ծախսել գոնե մանդատ ունենալու ու չդատվելու համար»: