«Օլիգարխ բառը Ձեր սրտո՞վ է». Կարլեն Ասլանյանը՝ Խաչատուր Սուքիասյանին

«Քաղաքացիական պայմանագիր» կուսակցության պատգամավորի թեկնածու, գործարար Խաչատուր Սուքիասյանն այսօր հարցազրույց է տվել «Ազատություն» ռ/կ-ին:

Սուքիասյանը, եթերի ընթացքում անդրադառնալով դիտարկմանը, թե ժամանակին Փաշինյանն ամենակոշտ քննադատն է եղել քաղաքականության և բիզնեսի սերտաճման, ասել է. «Ես կարծում եմ՝ Փաշինյանը նկատի ուներ այնպիսի պաշտոնյաների, որոնք պաշտոն են զբաղեցրել, մեծ բիզնես են վարել, այլ բիզնես ունեցող մարդկանց համար խնդիրներ են ստեղծել, որ իրենց բիզնեսը զարգանա»:

Հարցազրուցավար Կարլեն Ասլանյանի հարցին, թե «օլիգարխ բառը Ձեր սրտո՞վ է», ու Սուքիասյանն ասել է. «Դուք մի քիչ ավելի ցածր հատված եք նշում: Դուք մոռանում եք այն մարդկանց, ովքեր ընդհանրապես բիզնես չեն ունեցել, կառավարման մեջ են եղել և շատ կարճ ժամանակահատվածում դարձել են միլիոնատերեր: Հիմա նա մի քանի անգամ ավելի շատ վնաս է տվել պետությանը: Դուք նրան կարգավիճակ չեք տալիս, բայց կարգավիճակ եք տալիս նրան, ով, պետության այս կամ այն օղակից օգտվելով, իր վիճակն ավելի բարենպաստ է դարձրել, կամ ավելի շատ եկամունտներ է ունեցել»:

Մանրամասները՝ տեսանյութում: