«Բռնապետ Էրդողանը հունիսի 15-ին Շուշի պետք է գնա ռազմական հանցագործ Ալիևի հետ». ռազմագետ

Ռազմագետ Կարեն Հովհաննիսյանը ֆեյսբուքյան իր էջում գրել է. «Բռնապետ Էրդողանը հունիսի 15-ին Շուշի պետք է գնա ռազմական հանցագործ Ալիևի հետ։ Այս ֆոնի վրա այսօր, Ադրբեջանի կողմից բռնազավթած Քարվաճառում, հենց ճանապարհին ականի վրա ադրբեջանական բանակի բեռնատար է պայթել, ինչի արդյունքում (մեզ համար արդյունք է, ոչ թե հետևանք), ունեն զոհեր և վիրավորներ։ Ինձ կասկածելի է թվում այս թեման Ադրբեջանում այսքան քննարկելը։ Չնայած այն բանին, որ սա առիթ է եղել, որ կրկին ինչ-որ քարտեզներ պահանջեն, բայց կարծում եմ, որ սա նաև կապ ունի Շուշի այցի հետ, քանի որ ակնարկում են, որ հնարավոր չէ հանգիստ գնալ այն տարածքներ, որոնք իրենք բռնազավթել են։ Չի բացառվում, որ Էրդողանի այցը չեղարկվի՝ պատճառաբանելով անվտանգությունը»: