«Մենք ասում ենք՝ ո՛չ վենդետային, բայց ասում ենք՝ այո՛ արդարադատությանը»․ Ռոբերտ Քոչարյան

«Մենք չենք ընդունում վենդետաներ, ասում ենք՝ ո՛չ վենդետային, բայց մենք ասում ենք՝ այո՛ արդարադատությանը, և եթե իրենք ասում են, որ վենդետայի են ենթարկելու բոլոր համայնքապետերին, մենք ասում ենք, որ համաներում ենք հայտարարելու բոլոր համայնքապետերին, ում երկու տարի է՝ քրեական գործերով հետապնդում են և 90 տոկոսով՝ անհիմն»,- այսօր՝ Ջերմուկ քաղաքում «Հայաստան» դաշինքի քարոզարշավի ժամանակ, խոսելով ներկա իշխանությունների մասին, հայտարարեց ՀՀ երկրորդ նախագահ Ռոբերտ Քոչարյանը։ «Քաղաքական մահակ են ձևավորել և փորձում են այդ մահակով պարտադրել համայնքապետերին իրենց ապօրինի կամքը»,- հավելեց նա։