«Այո՛, դա մենք անվանելու ենք քաղաքական և ժողովրդական վենդետա, անվանելու ենք կադրային ջարդ»․ Նիկոլ Փաշինյան

«Ես էսօրվանից ասում եմ՝ ամսի 21-ից հետո բոլոր այն քաղաքապետերի, այն պաշտոնյաների նկատմամբ, թեկուզ մասնավոր հիմնարկների, ովքեր էս օրերին փորձում են, ասում են՝ դե գիտե՞ս, էս մեկին չընտրես՝ էնքան լավ չի լինի, քեզ համար եմ ասում և այլն, հունիսի 21-ից բոլոր այս պաշտոնյաների պաշտոնանկության գործընթացը շարունակվելու է։ Բայց էլի եմ ուզում ընդգծեմ՝ առանց բռնությունների, առանց ապօրինությունների, և, այո՛, դա մենք անվանելու ենք քաղաքական և ժողովրդական վենդետա, դա անվանելու ենք կադրային ջարդ և բոլոր ապաշնորհ պաշտոնյաները պետք է հեռացվեն պետական կառավարման համակարգից»,- ապարանցիների հետ հանդիպման ժամանակ ասաց ՀՀ վարչապետի պաշտոնակատար Նիկոլ Փաշինյանը։