«Իրավապահ համակարգը ակնհայտ հրահանգավորումով լծված է մեր դեմ բիրտ ուժ կիրառելու». Սերժ Սարգսյան

ՀՀ երրորդ նախագահ, «Պատիվ ունեմ» դաշինքի ներկայացուցիչ Սերժ Սարգսյանն այսօր՝ լրագրողների հետ զրույցի ժամանակ անդրադարձավ իրենց դաշինքի անդամների նկատմամբ իրականացվող գործողություններին:

«Իրավապահ ողջ համակարգը հատկապես վերջին օրերին ակնհայտ հրահանգավորումով լծված է մեր դեմ բիրտ ուժ կիրառելու: Անհասականալի հրավերներ բաժիններ, անօրինական խուզարկություններ, անօրինական ձերբակալություններ և այսպես շարունակ: Մենք առավոտից ուշադիր հետևում ենք իրադարձություններին և, կարծում եմ, օրվա երկրորդ կեսին միջանկյալ հայտարարություն կանենք: Իսկ մեր հիմնական հայտարարությունը կլինի քվեարկության ավարտից անմիջապես հետո»,- ասաց Սարգսյանը: