«Ինձ առաջադրված մեղադրանքը կրում է խիստ քաղաքական բնույթ՝ որպես քաղաքական տեռոր»․ Արմեն Չարչյան

«Ինձ առաջադրված ա մեղադրանք, որն ինձ համար բացարձակ անհասկանալի ա, և որը, ըստ իս, չի պարունակում որևէ հանցակազմ»,- այսօր՝ դատարանի բակում լրագրողների հետ զրույցում, ասաց «Իզմիրլյան» բժշկական կենտրոնի ղեկավար, «Հայաստան» դաշինքի պատգամավորի թեկնածու Արմեն Չարչյանը։

«Այդ մեղադրանք կրում է խիստ քաղաքական բնույթ՝ որպես քաղաքական տեռոր», - ասաց նա։

«Համոզված եմ, որ դատարանը ճիշտ որոշում կկայացնի, որովհետև ես հավատում եմ արդարադատությանը»,- հավելեց Չարչյանը։

Հիշեցնենք, որ Հատուկ քննչական ծառայությունը որոշում է կայացրել Արմեն Չարչյանին ներգրավել որպես մեղադրյալ։ Քննիչը որոշում է կայացրել Չարչյանի նկատմամբ կալանավորումը որպես խափանման միջոց ընտրելու վերաբերյալ միջնորդություն հարուցելու մասին։