«Ես պահպանել եմ չեզոքությունը և պատրաստ եմ բոլորի հետ երկխոսության»․ Արայիկ Հարությունյան

«Այսօր մենք ներդաշնակ պետք է աշխատենք՝ անկախ քաղաքական պրոցեսներից։ Ես պատրաստ եմ բոլորի հետ երկխոսության։ Պատմությունը ցույց է տվել, թե ինչ կարող է լինել երկպառակության դեպքում»,- Ստեփանակերտի Վերածննդի հրապարակում իր ուղերձում ասաց Արցախի նախագահ Արայիկ Հարությունյանը։

«Ամենայն պատասխանատվությամբ հայտարարում եմ, որ եղել եմ ոչ միայն «Քաղաքացիական պայմանագիր» կուսակցության գրասենյակում, այլև հետընտրական հանդիպումներ եմ ունեցել Գագիկ Ծառուկյանի, Հրանտ Բագրատյանի, Արամ Սարգսյանի, Էդմոն Մարուքյանի, Սամվել Բաբայանի և այլոց հետ։ Ես պահպանել եմ չեզոքությունը»,- ասաց Հարությունյանը՝ կոչ անելով ՀՀ բոլոր քաղաքական ուժերին՝ այցելել Ղարաբաղ և քննարկել Արցախի քաղաքական և տնտեսական խնդիրները։