«Հայտնի «Քթի գործով» ինձ մեղադրանք է առաջադրվել․ պաշտպանիս ներգրավել են՝ որպես վկա»․ Նարեկ Մանթաշյան

«Այլընտրանք» ՀԿ ղեկավար Նարեկ Մանթաշյանը ֆեյսբուքյան իր էջում գրել է. «Վենդետաների նոր էջը բացված է.
Հայտնի «Քթի գործով» Աննա Դանիբեկյանի քթի պլաստիկ վիրահատության փաստը արձանագրելու առթիվ քրգործ էր հարուցվել, և քննության արդյունքում կասեցման որոշում էր կայացվել, սակայն հետընտրական Հայաստանի քաղաքական հետապնդումների համատեքստում գործը վերաբացվել է, ինձ մեղադրանք է առաջադրվել և այսօր գործը մեղադրական եզրակացությամբ ուղարկվեց դատախազին, դատարան...
Սա «Հայաստան» դաշինքի անդամների նկատմամբ քաղաքական հետապնդման հերթական զավեշտալի, թույլ քրեական գործն է... Լկտիությունը հասել է այն աստիճան, որ իմ պաշտպան Ալեքսանդր Կոչուբաևին ներգրավել են որպես վկա, որ թուլացնեն պաշտպանությունս: Ցավոք, իշխանությունները չեն հասկանում, որ մեր նկատմամբ նման մեթոդների բանացնելը մեզ ավելի է ամրացնում, կոտրվող չենք, բանտից չենք վախում ու այո, ամեն ինչ լավ է լինելու...»: