Երկուշաբթի, 23 փետրվարի, 2026 թ.
|
Ստեփանակերտում`   +10 °C

«Մոտ 40 րոպե առանձնազրույց եմ ունեցել ադրբեջանցի Սամեդ Սեիդովի հետ»․ Նաիրա Զոհրաբյան

«Մոտ 40 րոպե առանձնազրույց եմ ունեցել ադրբեջանցի Սամեդ Սեիդովի հետ»․ Նաիրա Զոհրաբյան
198
Հինգշաբթի, 01 հուլիսի, 2021 թ., 13:36

«Ես չգիտեմ, թե ինչ գործընթաց է տեղի ունենում, բայց որ Ադրբեջանն այս պահին շարունակում է ունենալ կարծր դիրքորոշում, դա միանշանակ է»,- այսօր՝ լրագրողների հետ ճեպազրույցում, անդրադառնալով գերիներին վերադարձնելու խնդրին, ասաց անկախ պատգամավոր Նաիրա Զոհրաբյանը։

«Ես մոտ 40 րոպե առանձնազրույց եմ ունեցել ԵԽԽՎ-ում Ադրբեջանի պատվիրակության ղեկավար Սամեդ Սեիդովի հետ և իրենց նախապայմաններն իմ կարծիքով ՀՀ իշխանությունների համար պետք է լինեն բացարձակ անընդունելի։ Իրենք, բնականաբար, խոսում էին անկլավների մասին, բայց որպես առաջնային քայլ՝ նշում էին, որ Հայաստանը պետք է ճանաչի Ադրբեջանի տարածքային ամբողջականությունը՝ Արցախի գրավյալ տարածքների հետ»,- նշեց պատգամավորը։