«Խոզնավարցին ասում է, թե ադրբեջանցիները 30-40 հոգով, զինված մտել են գյուղ․ մի ամիս հետո գնում, Նիկոլ են ընտրում»․ Գեղամ Նազարյան

«Ճշմարտություն սերունդների համար» նախաձեռնության ղեկավար, զոհվածի հայր Գեղամ Նազարյանը ֆեյսբուքյան իր էջում գրել է. «Խոզնավարցի մի տղամարդ լրագրողներին ասում է, թե ադրբեջանցիները երեսուն, քառասուն հոգով, այն էլ լավ զինված մտել են գյուղ։ Հետո մի ամիս հետո գնում ու նիկոլ են ընտրում։ Խոզնավարում նիկոլը ստացել է 107 ձայն, Հայաստան դաշինքը՝ 7։ Այսուհետ ամեն մի նման միջադեպից հետո հիշեցնելու եմ քվեարկության արդյունքները։ Ի դեպ, երբ նիկոլն ասում էր՝ ապագա կա, չէր խաբում, պարզապես չէր ասում, թե այդ ապագայում ինչ կա։ Իսկ կա հենց այս՝ հայ տղամարդը ոգևորված է, որ մեկ ժամվա ընթացքում գյուղից հանել են կանանց ու երեխաներին։ Մյուս անգամ ժամ պահեք և նոր ռեկորդ սահմանեք։ Կրկնեմ՝ դուք եք ընտրել այդ ապագան»։