«Ձեզ համար ընդունելի՞ է ընտրել մի մարդու, որը հայհոյել էր իշխանություններին». լրագրողը՝ Ալեն Սիմոնյանին

Այսօր լրագրողների հետ ԱԺ ճեպազրույցում պատասխանելով հարցին, թե ՔՊ-ի համար ընդունելի՞ է ընտրել մի մարդու, որը հայհոյել էր իշխանություններին, ԱԺ նախագահ Ալեն Սիմոնյանը պատասխանեց. «Կարծում եմ՝ այդ հարցի պատասխանը քաղաքացիները տվել են: Մենք պարտավոր ենք ապահովել Հայաստանի ԱԺ բնականոն աշխատանքը: Երրորդ փոխխոսնակի պաշտոնը պետք է անցնի ընդդիմության ներկայացուցչին: Այո, ես ասում էի, որ ճիշտ կլինի, որ ընդդիմադիր փոխխոսնակը լինի «Պատիվ ունեմ» խմբակցությունից, բայց ինչպես տեսնում եք, «Պատիվ ունեմ» և «Հայաստան» դաշինքները համաձայնության են եկել և դա նաև առաջին հերթին «Պատիվ ունեմի» որոշումն է, ոչ թե մեր: Այս պահի դրությամբ իրենք միասնական թեկնածուով են հանդես գալիս, այսինքն՝ «Պատիվ ունեմ»-ն իր որոշումը կայացրել է»,- ասաց Ա. Սիմոնյանը: