«Ռուսաստանը ոչ միայն չհակադարձեց Թուրքիային, այլև օժանդակեց նրանց հարձակմանը». Գևորգ Գալստյան

Ազգային ժողովրդավարական բևեռի մամուլի խոսնակ Գևորգ Գալստյանը ֆեյսբուքյան իր էջում գրել է․ «Հայաստանից Ռուսաստանի հեռանալու բացահայտ նշան է այն, որ Հայաստանը՝ գաղութացված լինելով Ռուսաստանի կողմից, թուրք-ադրբեջանական հարձակման ենթարկվեց, իսկ Ռուսաստանը ոչ միայն չհակադարձեց նրանց, քանի որ գաղութային գեոքաղաքականության հստակ կանոններից է՝ «գաղութին հասցված հարվածը՝ հարված է գաղութատիրոջը-կայսրությանը», այլև օժանդակեց նրանց հարձակմանը: Այսինքն՝ 44 օրյա պատերազմը, առերևույթ-գործնականորեն, սկիզբ դրեց գաղութի հանձնման-ընդունման գործընթացին՝ Ռուսաստանից՝ Թուրքիային, որը խափանվում է Արևմուտքի՝ տարածաշրջանում մասնակցության ակտիվացմամբ, որը, ըստ իս, դեմոնստրատիվ դրսևորում ստացավ ԵՄ բարձր ներկայացուցիչ Ջոզեպ Բոչելի կողմից լիազորված ԵՄ երեք անդամ պետությունների (Ավստրիա, Լիտվա, Ռումինիա) արտգործ նախարարների «Հարավային Կովկաս» այցելությամբ:
Սա է ռուս-թուրքական հարաբերությունների և մեր վիճակի համառոտ եղելությունը»: