«Շատ մեծ խնդիր չէ մեկ-երկու առաջնային պաշտոնյայի անվտանգությունն այլ պայմաններում կազմակերպելը»․ Հ․ Բադալյան

Քաղաքական մեկնաբան Հակոբ Բադալյանի գրառումը․ «Եթե չմտնենք, իհարկե, քաղաքական խաղարկումների դաշտ, այդուհանդերձ արձանագրենք, որ կառավարական առանձնատներ «անհասկանալի» տարածքի փոխարեն, կարող էր լինել, օրինակ, ձորափի լավ հանրային զբոսայգի, իսկ կառավարական առանձնատներում ապրողներն ապրեն իրենց տներում: Անվտանգությունն էլ անվտանգության հարցը թող հոգար այդպես: Կարծում եմ՝ շատ մեծ և անլուծելի խնդիր չէ մեկ-երկու առաջնային պաշտոնյայի անվտանգությունը այլ պայմաններում կազմակերպելը: Ըստ այդմ, առաջիկայում պետք է աշխատել այդ ուղղությամբ: Հասկանալի է, դա չի լինի վաղը կամ վաղը չէ մյուս օրը, բայց պետք է գնալ դրան, իսկ առաջին դեմքերին հատկացնել կեցության զգալիորեն ավելի համեստ պայմաններ: Դա ունի մի շարք մշակութային և արժեհամակարգային ասպեկտներ»: