«Ամերիկացի զինվորականները չպետք է կռվեն այն մարտերում, որոնցում աֆղաններն իրենք չեն կռվում». Բայդենի հատուկ ուղերձը
1733 Երեքշաբթի, 17 օգոստոսի, 2021 թ., 01:12 Օգոստոսի 16-ին՝ ելույթ ունենալով Սպիտակ տանը, ԱՄՆ-ի նախագահ Ջո Բայդենն անդրադարձ է կատարել Աֆղանստանում տիրող իրադրությանը: Նա մասնավորապես ասել է. «ԱՄՆ-ը պատրաստ էր Աֆղանստանում արագ կոլապսին, որի ականատեսն ենք հիմա դառնում: Մեր առաքելությունն Աֆղանստանում երբեք ազգաստեղծ չէր, այն չպետք է լիներ միասնական, կենտրոնացված ժողովրդավարության ստեղծումը: Աֆղանստանում մեր միակ կենսական շահը մնում է նույնը՝ կանխել Ամերիկայի վրա ահաբեկչական հարձակումները»: Նրա խոսքով, ԱՄՆ-ն մեկ նպատակ ուներ Աֆղանստանում՝ բռնել նրանց, ովքեր կազմակերպել էին սեպտեմբերի 11-ի հարձակումը, համոզվել, որ Ալ-Քաիդան չի կարող օգտագործել Աֆղանստանը ապագա հարձակումների համար: «Մենք դա արեցինք,- ասել է Բայդենը՝ նշելով, որ դա տեղի է ունեցել դեռևս մեկ տասնամյակ առաջ:- Իմ քաղաքական կարիերայի տասնամյակների ընթացքում ես մի բան եմ հասկացել՝ երբեք չի լինում զորքերը դուրս բերելու բարենպաստ ժամանակ: Ամերիկացի զինվորականները չպետք է կռվեն այն մարտերում, որոնցում աֆղաններն իրենք չեն կռվում: Ճիշտ չէ ամերիկացի զինվորականներին խնդրել՝ բախման մեջ մտնել այնտեղ, որտեղ աֆղաններն իրենք չեն կարողանում իրենց պաշտպանել: Աֆղանստանի քաղաքական ղեկավարությունը հանձնվեց ու փախավ, բանակը փլուզվեց»: Բայդենը նաև ընդգծել է, որ ինքը չի զղջում կայացրած որոշման համար և կարծում է, որ կոնտինգենտի առջև դրված նպատակներն իրագործված են: Վաշինգթոնը Աֆղանստանի իր դաշնակիցներին տվել է ամեն ինչ, ինչ որ պահանջվել է: «Մենք տվեցինք նրանց բոլոր հնարավորությունները՝ իրենց իսկ ապագան կողմնորոշելու համար: Սակայն մենք չկարողացանք տալ նրանց ապագայի համար մարտնչելու կամք»,- շեշտել է Բայդենը: Նա նաև անդրադարձել է ԱՄՆ-ի հակառակորդներին. «Մեր իսկական ստրատեգիական հակառակորդները՝ Ռուսաստանն ու Չինաստանը, ամենաշատը կուզեին, որ մենք անվերջ շարունակեինք միլիարդավոր դոլարներ, ռեսուրսներ ներդնել Աֆղանստանի կայունացման համար»: ԱՄՆ-ի նախագահը նաև պատրաստակամություն է հայտնել օգնել դաշնակից երկրների քաղծառայողներին՝ դուրս գալ Աֆղանստանից: |
Նախաձեռնվել է քրեական վարույթ. ՔԿ
209Երեկ, 11:30Կարասինը նամակ է հղել ՀՀ ԱԺ՝ պարզաբանումներ պահանջելով Ալեն Սիմոնյանի հայտարարությունների շուրջ
30924.04.2024, 21:0021-րդ դարում ականատես եղանք հերթական էթնիկ զտման քաղաքականության ու դրա հետևանքներին. ԱԳՆ
55924.04.2024, 11:18«Մտահոգիչ ծանր իրավիճակ է Հայաստանի սահմանային տարածքներում»․ կաթողիկոս
27224.04.2024, 09:24Փաշինյանի ուղերձը՝ Հայոց ցեղասպանության 109-րդ տարելիցի կապակցությամբ
29624.04.2024, 09:18«Մտահոգված ենք Հայաստանում ոստիկանական բռնության մասին հաղորդումների աճով»․ Freedom House
23324.04.2024, 01:30Տեղադրվել է առաջին սահմանային սյունը
25923.04.2024, 16:18ՀՀ վարչապետի այցը Ծիծեռնակաբերդ լուսաբանելու նպատակով հավատարմագրվելու են միայն լուսանկարիչներ
27423.04.2024, 16:06