«Սաղդ դառել եք հայրենասեր, մենք էլ ստեղ Սևան ենք ծախում». թեժ բանավեճ՝ ԱԺ-ում

«Պարոն Մինասյան, մանիպուլյացիաներից եք խոսում, բայց իրական մանիպուլյանտը էստեղ դուք եք, որովհետև ներկայացնում եք այնպիսի թվեր, որոնք իրականության հետ ընդհանրապես կապ չունեն: Եվ ներկայացնում եք էնպիսի գեղեցիկ տեքստով, որ հաճոյանաք որևէ մեկին, ո՞ւմ եք ուզում հաճոյանալ»,- ԱԺ իր ելույթում դիմելով «Հայաստան» խմբակցության պատգամավոր Արծվիկ Մինասյանին, ասաց Ջրային կոմիտեի նախագահ Կարեն Սարգսյանը:

«Սաղդ դառել եք հայրենասեր, մենք էլ ստեղ Սևան ենք ծախում…»,-շարունակեց Ջրային կոմիտեի նախագահը:

«Հայաստան» խմբակցության պատգամավոր Արթուր Խաչատրյանը ԱԺ փոխնախագահ Ռուբեն Ռուբինյանին դիմեց՝ ասելով. «Ես խնդրում եմ զեկուցողին հիշեցնել, որ ինքն այստեղ հանդես է գալիս որպես պետական պաշտոնյա, այլ ոչ թե քաղաքական գործիչ: Խնդրում եմ, որպեսզի նա ելույթները չքաղաքականացնի»: