«Գորիսի փոխհամայնքապետի կալանավորման հարցի քննությունը տեղի կունենա այսօր»․ պաշտպան

Գորիսի փոխհամայնքապետ Իրինա Յոլյանի փաստաբան Էրիկ Ալեքսանյանը ֆեյսբուքյան իր էջում գրել է․ «Հարգելի՛ հայրենակիցներ, Գորիսի համայնքի ղեկավարի տեղակալ Իրինա Յոլյանի կալանավորման հարցի քննարկումը, տեղի է ունենալու այսօր՝ ժամը11:30-ին։ Իրինա Յոլյանի պաշտպաններ՝ Էրիկ Ալեքսանյան
Ժիրայր Ղարագյոզյան»։

Հիշեցնենք, որ երեկ, Գորիսի փոխհամայնքապետեր Մենուա Հովսեփյանը և Իրինա Յոլյանը ձերբակալվել էին։ Որոշում է կայացվել Իրինա Յոլյանին, համայնքապետարանի 2 աշխատակիցներին ՀՀ ՔՕ 179-րդ հոդվածի 3-րդ մասի 1-ին կետով, իսկ Մենուա Հովսեփյանին՝ ՀՀ ՔՕ 149.1-րդ հոդվածի 2-րդ մասի 1-ին և 2-րդ կետերով, 179-րդ հոդվածի 3-րդ մասի 1-ին և 179-րդ հոդվածի 2-րդ մասի 1-ին կետերով նախատեսված հանցավոր արարքներ կատարելու համար մեղադրյալներ ներգրավել։