««Ամորձատված» դիվանագիտական մեծամասնություն ունենալը հետևանք է»․ Գևորգ Գալստյան

Ազգային ժողովրդավարական բևեռի մամուլի խոսնակ Գևորգ Գալստյանը ֆեյսբուքյան իր էջում գրել է․ «Հայաստանում դիվանագետի, հատկապես ԱԳ նախարարի, վերաբերյալ սխալ կարծրատիպային պատկերացում կա: Մեր հասարակությունում գերակշիռ պատկերացումն այն է, որ «ամորձատված» ու «մկկան» լինելը դիվանագետի կարևորագույն հատկանիշներից են։ Թեպետ այդ սկզբունքը մեծապես դեր խաղացել է «երրորդ հանրապետության» դիվանագիտական կորպուսի ձևավորման հարցում, բայց համաշխարհային քաղաքական պատմությանը ծանոթ յուրաքանչյուր ոք կհաստատի, որ հզոր պետությունների արտգործնախարարները հիմնականում ամուր և կամային մարդիկ են եղել՝ նույնիսկ արտաքուստ, քանի որ պետության կամային դիվանագիտություն իրականացնել, առաջ տանել կարող են կամային անհատները:
Իհարկե, բացառություններ կան: Սակայն, այրականությունից զուրկ՝ «ամորձատված» դիվանագիտական մեծամասնություն ունենալը կրկին հետևանք է: Հետևանք է «ամորձատված» պետություն, հետևապես «ամորձատված» դիվանագիտական բովանդակություն ունենալու»: