«Ոչ մի երկրի իշխանություն ամենամեծ խելագարության ժամին էլ չի կարող տանուլ տալ պետության անկախությունը». Վարդ Սիմոնյան

Լրագրող Վարդ Սիմոնյանը ֆեյսբուքյան իր էջում գրել է. «Հայոց պետականության կրողը Հայաստանի Հանրապետության քաղաքացիներն են, մնացածն ատրիբուտներ են՝ ամենաբարձր իշխանությունից մինչև դրոշ ու զինանշան: Կլինեն պետության կերպին վայել ինքնիշխան ու արդարամիտ քաղաքացիներ, ուրեմն երրորդ հանրապետությունը կտևի, հակառակ դեպքում՝ խնդրվում է ձեր կամազրկությունը չբարդել ոչ արտաքին անհայտ ու չար վհուկների և ոչ էլ՝ ներքին հայտնի ուժերի վրա: Ոչ մի երկրի իշխանություն ամենամեծ խելագարության ժամին էլ չի կարող տանուլ տալ իր պետության անկախությունը. պետական այդ մեծ դավաճանության համար նրան պետք կգա իր քաղաքացիական ինստանցիայից հատակ իջած մի ողջ բանդա, խուլիգանների հոծ բազմություն, պատրաստ կրծելու երկրի ոսկորը՝ բարձրագույն Հայրենիքը, որն Արարչի ամենասուրբ պարգևն է իր որդիներին»: