Արմեն Չարչյանը ներկայացավ «Վարդաշեն» ՔԿՀ

Քիչ առաջ բժիշկ, «Հայաստան» խմբակցության պատգամավոր Արմեն Չարչյանը ներկայացավ «Վարդաշեն» ՔԿՀ։

«Ես վստահ եմ և համոզված, որ ի վերջո, արդարադատությունը հաղթելու է»,- լրագրողների հետ զրույցում ասաց Չարչյանը։
«Հարկ եմ համարում նշել, որ այն երկու հիմքերը, որով դատախազը կալանք էր առաջադրում, այլևս չկան»,- նշեց նա։
«Նախ ես էլ չեմ աշխատում «Իզմիրլյան» ԲԿ-ում՝ որպես տնօրեն, ես ԱԺ պատգամավոր եմ, որին ապօրինաբար են ուզում զրկել ազատությունից։ Երկորդ հիմքն այն էր, որ ես կարող էի ազդել վկաների ցուցմունքների վրա, բայց այդ ցուցմունքներն արդեն տրված են, և եթե չեմ սխալվում, հարգելի դատախազն ասաց, որ իրենք հիմք չեն համարելու այդ ցուցմունքները, այլ հիմք են համարելու այն ձայնագրությունները, որ կան: Հետևապես, ազդեմ թե չազդեմ ցումունք տվողի վրա, հիմք չեն ընդունում, այսինքն՝ երկու հիմքերն էլ արդեն չկան: Այդ դեպքում ի՞նչ հիմքով է դատավորն ինձ կալանավորելու որոշում կայացրել, դիմեք իրեն»,- ասաց Արմեն Չարչյանը՝ նշելով, որ իր համար սպասելի էր, թե դատարանն ինչ որոշում կկայացնի։

Հիշեցնենք, որ այսօր Վերաքննիչ քրեական դատարանը որոշեց կալանավորել Արմեն Չարչյանին։