«ՊՊԾ պետը և մի շարք աշխատակիցներ պատռել են վերնաշապիկս, հարված հասցրել ճակատիս, ոտքերիս»․ Արծվիկ Մինասյան

«Հարձակում կազմակերպեցին ինձ վրա․ պատռվել է վերնաշապիկս, հարված ստացա ճակատիս, ոտքերիս»,- այսօր լրագրողների հետ զրույցում անդրադառնալով ընդմիջմանը խորհրդարանում տեղի ունեցած ծեծկռտուքին, ասաց «Հայաստան» խմբակցության պատգամավոր Արծվիկ Մինասյանը։

«Սրանք այն բանի վկայությունն են, որ մենք գործ ունենք հանցավոր խմբավորման հետ»,- նշեց նա։

Հարցին, թե բռնություն կիրառողները պատգամավորնե՞ր էին, Մինասյանն ասաց․ «Ո՛չ, ՊՊԾ պետն էր և մի շարք աշխատակիցներ»։

Մինասյանն ընդգծեց, որ տեղի ունեցածին պատրաստվում են տալ իրավական ընթացք։