«Օրը կգա՝ քեզ ձայն տվածներն ու թիմակիցներդ նույնիսկ դատավարությունդ չեն նայելու»․ Բաբկեն Հարությունյան

«Հայրենիք» կուսակցության անդամ Բաբկեն Հարությունյանը ֆեյսբուքյան իր էջում գրել է․ «Չ՛վարչապետն իր բոլոր հանցագործություններն ու ձախողումները՝ կապիտուլյացիայից մինչև քաղաքական տեռոր, արդարացրեց ստացած քվեներով։
Իմա՝ ինչ արել է, լավ է արել, միևնույնն է, ժողովուրդը այդքանից հետո էլ իրեն է ձայն տվել։
Չ՛վարչապետին մեկը չկա՞ ասի, որ շատ կամ քիչ ձայն ստանալը հեչ կապ չունի ճշտի ու արդարադատության հետ, օրը կգա, ու հենց հույսդ դրածները ու քեզ ձայն տվածները, թիմակիցներիդ մեծ մասը, դատավարությունդ նույնիսկ չեն նայելու, քեզ չեն հիշելու։ Հույսդ քո վրա դիր, շատ արխային մի ընկիր, որովհետև ընկնելդ ցավոտ ու շատ անսպասելիա լինելու»։