«Գուցե կարիք կա՝ խոստովանեք, որ դեմագոգ ու պոպուլիստ եք». Գարեգին Միսկարյան

«Քաղաքացու որոշում» սոցիալ-դեմոկրատական կուսակցության անդամ Գարեգին Միսկարյանը ֆեյսբուքյան իր էջում գրել է. «ՔՊ-ի իմ սիրելի ընկերները նման տեքստով ֆլեշմոբ են անում։ Ինձ հետաքրքիր է, թե ո՞վ կպատասախանի մի քանի հարցերի.
Դուք օրենսդիր ու գործադիր մարմին եք ներկայացնում, կառավարող ուժ եք, ըստ այդմ՝ ի՞նչ է նշանակում «ազգի դավաճան»։
Ենթադրում եմ, որ վատ բան է։ Եթե այո, ապա ի՞նչ պատասխանատվություն է ենթադրում քրեական օրենսգիրքը ազգի դավաճանության համար։
Եթե չկա նման հոդված, ապա, գուցե, կարիք կա նկարագրել և քրեականացնել «ազգի դավաճանությունը»։
Եթե դա հնարավոր չի անել, գուցե կարիք կա խոստովանեք, որ դեմագոգ ու պոպուլիստ եք, ժողովրդի լեզվով ասած «օդում տռան»։
Շնորհակալություն»: