«Միֆ է, թե գեղեցիկ կանայք ավելի հեշտ էն զուգընկեր գտնում». Նարեկ Սարգսյան

Ջութակահար Նարեկ Սարգսյանը ֆեյսբուքյան իր էջում գրել է. «Ամեն անգամ աղջիկների ու կանանց հետ հանդիպելիս՝ հատկապես եթե հանդիպումը անձնական է, ես արագ զգում եմ, թե տվյալ կինը կամ աղջիկը շուտ կամուսնանա, թե ուշ: Կին կա տարիներով մենակ է: Կին կա՝ երբեք մի քանի շաբաթից ավելի երկար մենակ չի մնում: Զուգընկեր գտնելու հավանականությունը կախված չէ ո՛չ կնոջ հմայքի աստիճանից, ո՛չ արտաքին տվյալներից, ո՛չ էլ ինտելեկտի աստիճանից: Միֆ է, թե գեղեցիկ կանայք ավելի հեշտ էն զուգընկեր գտնում, քան՝ պակաս գեղեցիկները:
Զուգընկեր գտնելը կախված է կնոջ կոնկրետ վարքից: Բոլոր այն կանայք ու աղջիկները, որոնք հեշտ են հանդիպում տղամարդկանց հետ, առանց նազուտուզերի, շատ արագ գտնում են զուգընկեր: Ես ինչքան կին գիտեմ, որի հետ հանդիպելուս առաջարկին հեշտ է համաձայնվել, իրարից հեռանալուց հետո մի տարի հետո մտնում եմ ֆբ էջը նայում եմ՝ արդեն ամուսնացած է, նույնիսկ երեխա ունի: Իսկ ինչքան աղջիկների հետ հանդիպել եմ, որ հազար անգամ համոզելով մի կերպ են համոզվել, նազուտուզ են արել, ասել են. «Բա որ սենց, բա որ նենց», մի տաս տարի հետո մտնում եմ էջերը նայում եմ, դեռ ամուսնացած չեն:
Այսինքն ամուսնությունը և զուգընկեր գտնելը ոչ թե բախտի կամ հանգամանքների, այլ կոնկրետ մտածողության և վարքի հարց է: Եթե ուզում ես ամուսնանալ, ապա պիտի վարքդ լինի «Ամուսնացողի վարք»: Իսկ շատ կանայք կան, որ ասում են, որ ուզում են ամուսնանալ, բայց որ իրենց վարքին նայում ես, իրենք ամեն ինչ անում են չամուսանալու համար: Դա ողբերգություն է: Ինչքան ճակատագրեր են խեղվել այդ թյուրիմացութան պատճառով: Ինչքան կանայք չեն ամուսնացել և երեխաներ չեն ունեցել: Ինչքան տղամարդկանց չեն երջանկացրել: Որովհետև ամբողջ կյանքում ուզել են մի՛ բան, բայց արել են դրա հակառակը: Ու ինչքան շատ են ուզել այդ բանը, այնքան ավելի մեծ եռանդով են արել են դրա հակառակը: Ու իրենց անհաջողությունը բացատրել են աշխարհում ամեն ինչով, բացի այն բանից, որ իրենք իրենց վարքով արել են ամեն ինչ, որ նույնիսկ նվազագուն շանս չունենան իրենց ուզածին հասնելու»: