«Երեկ լսում եմ տարած-հետ բերած տխրահռչակ Անվտանգության խորհրդի քարտուղարին». Էդուարդ Շարմազանով

«Կառավարության նիստին շատ էին խոսում՝ կոռուպցիա, թալան, նախկին, ներկա, ապագա... հիմա ես իրանց հարց տամ՝ ձեզ պես մեծ թալանչի ու կոռուպցիոներներ կա՞ն: Հարյուրից ավել գյուղ եք տվել թուրքին, մի քանի քաղաք եք տվել, միլիարդավոր դոլարների հարստություն եք տվել թուրքին, հիմա ո՞վ ա թալանչի»,- այսօր հարվիրած մամուլի ասուլիսի ժամանակ ասաց ՀՀԿ խոսնակ Էդուարդ Շարմազանովը:

«Երեկ լսում եմ տարած-հետ բերած տխրահռչակ Անվտանգության խորհրդի քարտուղարին: Ինձ մոտ տպավորություն է, որ սրանց քաղաքական իդեալը եղել է Յոզեֆ Գեբելսը, որովհետև Գեբելսն էր ասում՝ եթե ուզում ես քո ստին հավատան, հորինի ավելի մեծ սուտ: Ի՞նչ են ասում իրենք. ասում են՝ Սերժ Սարգսյանի ժամանակ կարգավիճակի հարցը դուրս է եկել: Արա, լա՛վ. սո՜ւտ, տենց սո՞ւտ: Բա մի հատ փաստաթուղթ ցույց տվեք, որ դուրս է եկել: Ես հիմա կարամ փաստաթուղթ ցույց տամ, որ եղել ա: 2009-13թթ Մինսկի խմբի համանախագահ երկրների՝ Ռուսաստանի, Ֆրանսիայի, Միացյալ Նահանգների նախագահների հինգ հայտարարություն է եղել»,- ասաց Շարմազանովը: