Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«80 մարդու առնչությամբ կան անվիճելի ապացույցներ, որ նրանք գերեվարվել են». Սահակյան

«80 մարդու առնչությամբ կան անվիճելի ապացույցներ, որ նրանք գերեվարվել են». Սահակյան
262
Չորեքշաբթի, 01 սեպտեմբերի, 2021 թ., 19:42

«Եվս 80 ռազմագերու առնչությամբ կան անվիճելի ապացույցներ, որ նրանք գերեվարվել են»,- լրագրողների հետ զրույցում այսօր ասել է ՄԻԵԴ-ում Ադրբեջանում գտնվող հայ ռազմագերիների շահերի ներկայացուցիչ, իրավապաշտպան Սիրանուշ Սահակյանը։

«Չպաշտոնականացված ռազմագերիների մասով մենք կարծում ենք, որ 80 ռազմագերու առնչությամբ ունենք անվիճելի ապացույցներ, որ նրանք գերեվարվել են, այլ հարց է, որ գերեվարումից հետո որքա՞ն ժամանակ են ողջ մնացել կամ արդյո՞ք այս պահին ողջ են։ Այստեղ բավարար ապացույցներ չկան։ Այս պաշտոնական 45-ից զատ ևս 80 ռազմագերիներ պետք է իրականում վերադարձվեին Հայաստանին»,–ասել է Սահակյանը։