«Երաշխիք չկա, որ սահմանազատման և սահմանագծման արդյունքում նոր պատերազմի ռիսկ չի առաջանա». Արտակ Զաքարյան

«Քաղաքական իմաստով, ցանկացած ընդդիմադիր տրամաբանության առաջին կետում պետք է լինի՝ հենց հիմա պետք է ազատվել այս իշխանությունից, որովհետև վաղը ցանկացած անսպասելի, անկախատեսելի և անդառնալի պրոցես կարող է լինել»,- այսօր «Հայելի» ակումբում, խոսելով երկրի ներքաղաքական իրավիճակից, կարծիք հայտնեց «Պատիվ ունեմ» դաշինքի անդամ Արտակ Զաքարյանը:

«Ոչ մի երաշխիք չկա, որ սահմանազատման և սահմանագծման արդյունքում նոր պատերազմի ռիսկեր չեն առաջանա՝ առաջին: Երկրորդ՝ սահմանազատում և սահմանանշում այս իրավիճակում, կապիտուլյանտի ղեկավարությամբ, նշանակում է, որ մյուս կողմը պահանջատեր է, իսկ մյուս՝ հայկական կողմը, պետք է ճանապարհներ գտնի, կամ խուսանավի, կամ բավարարի պահանջատիրոջ պահանջները, ինչը նշանակում է տարածքային նոր զիջումներ»,- ասաց Ա. Զաքարյանը: