«Հայաստանն արդեն միջանցք է, դեռ փաստացի՝ օդային». Կարեն Ավագյան

ՀՀԿ-ական նախկին պատգամավոր Կարեն Ավագյանի գրառումը. «Հայաստանն արդեն միջանցք է, դեռ փաստացի՝ օդային։

Մեր գերիներին տանջամահ անելուն նույն ժամանակահատվածում իշխանությունը զավթած տականքները շքեղ արձակուրդն էին վայելում։ Մի կողմում թուրքի դիպուկահարից զոհվող հայն է, մյուս կողմում՝ կյանքը վայելող իշխանավորը։

Մի կողմից պետպատվերի դադարեցում է, մյուս կողմից միջոցառման վրա ծախսվելիք միլիոնները։ Լաչինում ադրբեջանցիների սադրանքները զորավարժության տեսքով ու մեր ձևական տոնակատարությունները։

Սա է հայկական իրականությունն այսօր։ Այսքանից հետո մնում է միայն հրավառության վայրը պարզել, որ կառավարության պատուհաններից նայող դավաճանների աչքին չընկնեն հայրենազրկված ու սովի մատնված հայերի ցույցերը»։