«Ըստ տեղեկությունների՝ բեռնատարներից բացի ստուգվում են ուղևոր փոխադրող ավտոբուսները»․ Ռ․ Մարգարյան

Քաղաքագետ Ռոբերտ Մարգարյանի ֆեյսբուքյան գրառումը. «Ադրբեջանը երեկ կալանավորել է իրանցի երկու վարորդների և նրանցից մեկի հայտարարության համաձայն՝ պատրաստվում է նրանց դատել «Ադրբեջանի սահմանն անօրինական կերպով հատելու» պատճառով:
Ըստ տարածված տեղեկությունների՝ բեռնատարներից բացի նաև ստուգվում են ուղևոր փոխադրող ավտոբուսները:
Եթե իմ ընկերների մեջ կան մարդիկ, որոնց անձնագրերում գոյություն ունեն անցած տարիների ընթացքում Արցախ այցելելու մասին վկայող ինչ-որ նշումներ, խորհուրդ եմ տալիս հրաժարվել ցամաքային ճանապարհով Իրանից Հայաստան կամ հակառակ ուղղությամբ ճամփորդելուց:
Կապան-Գորիս ճանապարհի այդ հատվածում տիրող անտերության պատճառով նախկինում Արցախ այցելած ցանկացած անձ կարող է հայտնվել ադրբեջանցիների թիրախում»: