«Ես էստեղ ինձ մեղավոր եմ զգում»․ Արծրուն Հովհաննիսյան

«Ես հիմա եթերում ասում եմ՝ իմ ամենամեծ մեղավորությունն այն է եղել, որ ես, որպես զինվորական, 24 տարի ծառայելով, ինչ-ինչ բաներ՝ սկսած դասակի հրամանատարից, լավ չեմ արել, իդեալական չեմ արել իմ դասակի պատրաստությունը, իմ վաշտի մարտական պատրաստությունը»,-«Առաջին» լրատվականի տաղավարում՝ խոսելով Արցախյան երկրորդ պատերազմում հայկական կողմի պարտության պատճառներից, ասել է ՀՀ ՊՆ նախկին ներկայացուցիչ, պահեստազորի գնդապետ Արծրուն Հովհաննիսյանը։

«Էն տեսական հարցերը, էն գործնական հարցերը ապագա պատերազմի վերաբերյալ, որոնք, իմիջիայլոց, թղթին են հանձնված, երբ որ բանավիճել եմ վերադասի հետ, մինչև վերջ չեմ գնացել, էստեղ ինձ մեղավոր եմ զգում․ սա է իմ պատասխանատվության տիրութը, որովհետև էս պաշտոններն եմ զբաղեցրել, ուրիշ պաշտոն չեմ զբաղեցրել։ Ինձնից կախված չի եղել՝ զորատեսակների ձևավորում, զինատեսակների ձեռքբերում և այլն և այլն»,- ասաց Ա․ Հովհաննիսյանը։