Նախկին ՀՀԿ-ականը կմտնի պայքարի մեջ. «Հրապարակ»

«Հրապարակ»-ը գրում է. «Արարատ խոշորացված համայնքում պատրաստվում է առաջադրվել նաև սփյուռքի նախարարության աշխատակազմի նախկին ղեկավար Ֆիրդուս Զաքարյանը: Նա մասնակցելու է «Կայունություն» կուսակցության ցուցակով, որի հիմնադիրներից է: Զաքարյանը հաստատեց, որ նման մտադրություն ունի։ Նա մինչև 2020-ը ՀՀԿ անդամ էր, սակայն 2018-ից քննադատում էր իր կուսակցությանը՝ կոչ անելով վերակազմակերպվել, փոխել նախագահին։ 2021թ․ ապրիլի 3-ին (Լեռնիկ Ալեքսանյանի հետ) ստեղծեց այս կուսակցությունը։ Նա Վազգեն Սարգսյանի զինակիցներից է, ժամանակին եղել է տարածքային կառավարման փոխնախարար, Երևանի փոխքաղաքապետ, ծնունդով Ավշար գյուղից է: Արարատում թեկնածուներ են առաջադրելու նաև ՔՊ-ն, ՀՀԿ-ն և տեղի համայնքապետերի «Մեր հզոր համայնք» կուսակցությունը»: