«Գալիս էինք Թիֆլիս՝ ընտրական օրենսդրության փոփոխությունները դիտարկելու, հայտնվեցինք կինոյի կիզակետում»․ Դ․ Իոաննիսյան

ԻՔՄ համակարգող, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Գալիս էինք Թիֆլիս ընտրական օրենսդրության փոփոխությունները դիտարկելու, բայց հայտնվեցինք կինոյի կիզակետում։
Մոտ մի ամիս առաջ «Իրազեկ քաղաքացիների միավորումում» որոշեցինք դիտարկել Վրաստանի այսօրվա ՏԻՄ ընտրությունները (այո՛, շաբաթ օրով են ընտրությունները)։
Վրաստանի ընտրական օրենդրությունում որոշ բաներ են փոխվել, էլեկտրոնային հաշվարկի սարքեր են փորձարկվում ու մասնագիտական հետաքրքրություն էր այդ ամենը պրակտիկայում տեսնելը։
Բայց Վրաստան գալուց ժամեր անց սկսվեց կինոն։ Սկզբից Սահակաշվիլլին հայտարարեց, որ գալիս է Վրաստան։ Քիչ անց պարզվեց, որ արդեն Բաթումիում է։ Դրանից էլ մի քանի ժամ հետո Սահակաշվիլիին ձերբակալեցին։ Հետո նա նստեց հացադուլի ու հայտարարեց վաղը փողոցայիկ պայքար սկսելու մասին։
Դիտարկած մի շարք հետաքրիր բաների մասին կհայտնենք ավելի ուշ։ Մնում է Թիֆլիսի գրասենյակ բացենք ու վաղվա ցույցերը դրոնով հաշվենք»։