«Ծռերից ոմանք դարձել են Քոչարյանի ու Սերժի պրոպագանդիստները». քաղաքագետ

Քաղաքագետ Հարություն Մկրտչյանի ֆեյսբուքյան գրառումը. «Ծռերից շատերին հորդորում եմ չմոռանալ, որ Քոչարյան Ռոբերտի ու Սերժ Սարգսյանի կառավարման տարիներին իրենց դաժանորեն որտեղ տեսնում՝ ծեծի էին ենթարկում այլախոհության համար, իրենցից մի քանիսը քաղբանտարկյալներ էին ու Աստված գիտի, թե քանի տարի էին շարունակելու մնալ։
Անկախ Փաշինյանի ու նրա կառավարության հանդեպ ունեցած այսօրվա վերաբերմունքից՝ ինչքանո՞վ է ճիշտ, որ իրենցից ոմանք ներկայումս դարձել են Քոչարյանի ու Սերժի պրոպագանդիստներն ու նրանց թիմակիցների սազանդարները։
Արցախի կորուստը ու պատերազմը բոլորս ենք քննարկում, բոլորս ենք բարձրաձայնում աններելի սխալները, բոլորս ենք փորձում հասկանալ մեր հայրենիքի մի մասի ու մեր զավակների կորստի պատճառները։
Բայց դուք այդպես էլ Շուշին փրկելու չհասաք, թեև ողջ քաղաքական գործունեության ընթացքում ձեզ հռչակել էիք «Շուշիի պահապաններ»։
Խոսքս իհարկե, բոլորին չի վերաբերվում։
Հարգանքներս նրանց, ովքեր այդ թիմում են, բայց չեն կիսում այս կարծիքը ու մասնակցել են պատերազմական գործողություններին։
Երբեք ոչինչ մի՛ ուրացեք... ոչինչ մի՛ մոռացեք ...
դրանք չափազանց մեծ քաղաքական ու մարդկային մեղքեր են...»: