«Մեր ժողովրդին պետք է բացատրենք, որ իրենք չլինեն քոչարյանների հրապարակներում, նրանց տեղն այստեղ է»․ Ժիրայր Սեֆիլյան

«Սփյուռքում նույնպես պայքարը սկսվել է։ Վստահ եմ, որ օր օրի թափ է հավաքելու այս շարժումը։ Բացե՛ք ձեր քսակները, թափվե՜ք ազատագրական պայքարի հարպարակներ, ո՞ւմ է պետք այդ նյութականը, եթե չենք ունենալու հայրենիք։ Մենք ունեալո՛ւ ենք հայրենիք, վստահ եղե՛ք»,- ԱԺԲ հանրահավաքի ժամանակ ասաց Բևեռի խորհրդի անդամ Ժիրայր Սեֆիլյանը։

«Մենք հասել ենք մի փուլ, որ բոլորս գիտակցում ենք, որ առկա հասարակական պառակտումը կարծես մեզ հրամցրել են, մենք էլ վայելում ենք։ Մենք խնդիր ունենք այս պառակտման դեմ պայքարելու միասնաբար, այս ուղղությամբ հատուկ աշխատանք պետք է տանենք»,- ասաց Սեֆիլյանը՝ հավելով, որ ի տարբերություն պուտինյան Ռուսաստանի, իրենց դաշնակիցները՝ մասնավորապես Միացյալ Նահանգները, կողմ է ՀՀ-ի ինքնիշխանությանը։

«Մեր ժողովրդին պետք է բացատրենք, որ իրենց տեղն այսօրվա դավաճան իշխանությունների շարքերում չէ։ Նրանք պիտի չլինեն քոչարյանների հրապարակներում, նրանց տեղն այստեղ է»,- ասաց Ժ․ Սեֆիլյանը։