«Ադրբեջանի տարածքը շարունակելու է ռիսկային մնալ Իրանի համար». Արման Մելիքյան

Արցախի նախկին արտգործնախարար Արման Մելիքյանը ֆեյսբուքյան էջում գրել է. «Անկախ այն բանից, թե ինչ կարող էին պայմանավորվել միմյանց հետ իրանցի ու ադրբեջանցի պաշտոնատարները, Ադրբեջանի տարածքը շարունակելու է ռիսկային մնալ Իրանի Իսլամական Հանրապետության համար: Իրանի դեմ արտաքին ագրեսիան գրեթե բացառում եմ՝ նրա թշնամիները կնախընտրեն Թեհրանի կղերապետական ռեժիմը տապալել երկրում առկա ներքին ռեսուրսների հաշվին: Արտաքին միջամտությունը կսկսվի միայն այն ժամանակ, երբ այնտեղ ներքին խռովություն ծավալվի և հենց այդ ժամանակ էլ Ադրբեջանը, որպես պլացդարմ, կծառայի ընդդեմ Իրանի: Այժմ ժամանակավոր դադար է»: