Ո՞ր թվականի քարտեզների մասին է խոսքը գնալու. հարց՝ Փաշինյանին

«Որ թվականի քարտեզների մասին է խոսքը գնալու, մենք ունե՞նք այդ քարտեզները թե չունենք»,- «Առաջին ալիք»-ի եթերում ՀՀ վարչապետ Նիկոլ Փաշինյանին հարց հղեց հարցազրուցավար Պետրոս Ղազարյանը:

«Պետք է հասկանանք՝ քարտեզ ասելով ի՞նչ նկատի ունենք: Քարտեզները վերատպություններ են, քանի որ թղթային նյութ է, մաշվում է, ժամանակ առ ժամանակ մաշվում են: Կարևորը իրավական հիմքերն են՝ ինչ իրավական հիմքերի վրա է տեղի ունեցել սահմանազատում Խորհրդային Հայաստանի և Խորհրդային Ադրբեջանի միջև: Պիտի արձանագրեմ, որ այդ բոլոր վերատպած քարտզները նույնական չեն: Որովհետև Խորհրդային Միությունում եղել է ավանդույթ, որ եղբայրական պետություններն իրար տարածքներ են նվիրել: Մեր նախնական ուսումնասիրությունը ցույց է տվել, որ հիմնականում փոխադարձության սկզբունքով է դա տեղի ունեցել: Մենք քարտեզ ասելով նկատի չունենք թղթի վրա գծած գծագիր, այլ՝ դրա իրավական հիմնավորումը»,- պատասխանեց Փաշինյանը: