Ո՞ր դեպքում դպրոցները կանցնեն հեռավար ուսուցման

«Նախարարի հրամամով սահմանված է՝ այն դպրոցները, որտեղ դասարանի տասը տոկոսի չափով կունենանք վարակվածության դեպքեր, կամ ուսուցչական կազմում կունենանք դեպքեր, այդ դպրոցները կանցնեն հեռավար ուսուցման ռեժիմի»,- ԱԺ հանձնաժողովի նիստում հայտարարեց Առողջապահության նախարար Անահիտ Ավանեսյանը: «Եթե նախորդ տարի կտրուկ լոքդաուններն արդարացված էին ու ժամանակ տվեցին մեզ՝ առողջապահական համակարգը բերելու պատրաստվածության աստիճանի, դրանք անընդհատ պահպանելը վնասակար հետևանքներ է ունենում: ԱՀԿ-ն էլ նշում է, որ դպրոցների փակումը կամ կիսատ ռեժիմով վարումը պետք է կարճ ընթացքով իրականացնել... Այն դպրոցները, որտեղ կլինեն դեպքեր, բռնկումներ, կգնան հեռավար ուսուցման կարգի. թիրախային մոտեցում կկիրառենք»,- հավելեց Ավանեսյանը:

Հիշեցնենք՝ աշնանային արձակուրդից հետո դպրոցներում դասապրոցեսը վերսկսվել է: