«Ամեն ինչ նոր է սկսվում». Ստեփան Դանիելյան

Քաղաքագետ Ստեփան Դանիելյանի գրառումը. «Ամեն ինչ նոր է սկսվում։ Հարավային Կովկասը, Հյուսիսային Կովկասը, Կենտրոնական Ասիան, Մերձավոր Արևելքը վերածվում են մի մեծ կծիկի և որևէ իրադարձություն դրանցից մեկում ուղղակիորեն դետոնացիա է ենթարկում մյուսներին, և այս մեծ տարածաշրջանը դեռ մեծ փոփոխությունների է ենթարկվելու՝ աներևակայելի կոալիցիաներ կարող են ստեղծվել, վերաբաժանումներ ու սահմանների փոխակերպումներ են լինելու։ Ժամանակն էլ սկսել է արագ աշխատել։

Խաղացողները շատ են ու նրանց հարաբերությունները կայուն չեն, կարող են արագորեն փոխվել ու յուրաքանչյուրը երկակի խաղ է խաղում ու խաղալու։ Ու ամենակարևորն այն է, որ առաջին պլան է գալիս ոչ թե բանակների ու տնտեսությունների հզորությունը, այլ փոփոխությունների տրամաբանությունը ճիշտ հասկանալն ու ճիշտ խաղալը։ Չգիտեմ՝ որտեղ ոնց, բայց Հայաստանում խաղացող չկա։ Նաև կարևոր է մեր ախոռները մաքրել դրսից ներդրված մետաստազներից»։