«Բարձրավանը, Որոտանը, Շուռնուխը շրջափակման մեջ են հայտնվելու»․ Աննա Գրիգորյան

«Ընդհանրապես նրանք պատկերացրե՞լ են, թե էդ ճանապարհով անցնող մարդիկ ինչ անվտանգություն պիտի ունենան․․․»,- այսօր՝ Կառավարության շենքի մոտ բողոքի ակցիայի ժամանակ, խոսելով Գորիս-Կապան ճանապարհի ադրբեջանական վերահսկողության տակ գտնվող հատվածում ադրբեջանցիների կողմից դրված մաքսակետերի մասին՝ ասաց «Հայաստան» խմբակցության պատգամավոր Աննա Գրիգորյանը։

«Պատկերացրեք՝ Գորիսից Որոտան գնացող ուսուցիչն ամեն առավոտ ինչպե՞ս պետք է գնա»,- նկատեց պատգամավորը։
Նրա խոսքով՝ այլընտրանքային ճանապարհը լիարժեքորեն չի կարող փոխարինել միջպետական ճանապարհին։

«Երեք գյուղեր՝ Բարձրավանը, Որոտանը, Շուռնուխը շրջափակման մեջ են հայտնվելու, որովհետև այդ ճանապարհերի այլընտրանքը դեռևս կառուցված չէ»,- շեշտեց Գրիգորյանը։

Պատգամավորը նշեց, որ պատրաստվում են մտնել Կառավարության շենք՝ իրենց հարցերի պատասխանները ստանալու համար։